मिस नेवाः २०१० या फस्ट रनरअप लसता श्रेष्ठनापय खँल्हाबल्हा

मिस नेवाः २०१० या फस्ट रनरअप जुयादिल श्रय सुयात बियादी छाय् ?
मिस नेवाः २०१० या फस्ट रनरअप जुइत ताःलात थकिया श्रय जिमि मां व बायात बिइ । अले नेप्लीज फेसन होमया जःतय्त बिइ । जित थुगु दँया मिस नेवाः ज्याभुवलय् फस्ट रनरअप तकया पलाखय् जिमि मां बापिन्सं अतिकं हःपा तिबः बियादीगु दु नापं ग्वसाखलःया सकल सर म्याय्पिन्सं नं जिगु ब्यक्तित्व आत्मबिश्वास थकायेत नापनापं नेवाः भाय् व तजिलजिया बारे आपालं ज्ञान बियादीगु दु । 

मिस नेवाः २०१० या फस्ट रनरअप जुयादिल गुलित आशा यानादिया सिरपा त्याकादी धकाः ?
खय्तला ज्याभुवलय् ब्वति कयागु मिस नेवाः २०१० या ताज त्याकेत हे खः । लच्छिया प्रशिक्षणय् दुने िजं थःत मिस नेवाःया ताज त्याकेत माःगु फुक्कं स्यनाकयागु खः । तर नेपालभाषाय् माक्वः दख्खल मदुगु हुिनं िजं न्हापया सिरपा त्याके मपुूगु खःला धैथे च्वं । तर फस्ट रनरअफ जुइत धाःसा ताःलात ।

मिस नेवाः २०१० या फस्ट रनरअफया नां घोषणा नापं छिगू नां कायेवं दकले न्हापा सुयात लुमंकादिया ?
फस्ट रनरअपया नां घोषणा नापं जिगु नां कायेवं दकले न्हापां जिमि बायात लुमंका । जिगु मिखां बा या न्हिलाच्वंगु ख्वाः स्वया मनय् स्वाँ ह्वयेका ताज पुयागु खः ।

फस्ट रनरअफ जुयादिल वइगु दिनय् छु यायेगु बिचाः दु नेवाः समाजया निितं ?
नेवाः समाजय् थौंकन्हय् भाषा जक मखु आपालं झीसं हनावया च्वनागु तजिलजि न्हना वनाँच्वंगु दु । थ्व खँयात वा चायेका आः थुगु दँया मिस नेवाःया न्हापा ल्यू व लियांल्यू जुयादीिपं पासािपं नाप जानाः नेप्लीज फेसन होमया ग्वाहालि कयाः मिस नेवाः नेटर्वक स्वना छुं यायेगु विचाः दु । 

मिस नेवाः २०१० या निितं जूगु लच्छिया प्रशिक्षणं िछं छु सयेकादिया उकियात गुकथं जीवनय् छ्यलादीगु बिचाः दु ?
िजं नेपालभष झीगु तजिलजि कला रितिरिवाज नखःचखः संस्कारया बारे आपालं सयेका कयागु दु । अथेहे थःगु ब्यक्तित्व आत्मविश्वास थःगु प्रतिभायात अझ थकायेगु ह्वता चूलाका । थुगु सकतां खँ झी नेवाः जुया जक मखु छम्ह सवल जिम्मेवार नागरिकया हैसियतं मदयेकं मगागु धैगु थुइका मेपिन्त नं स्यनेकने यायेगु जिगु विचाः दु । 

थौं कन्हय् छु यानाच्वनादिया जीवनया आज्जु छु खः छाय् ?
जि थौंकन्हय् चार्टर एकाउण्टया फाउण्डेसन परिक्षा बिया लिच्वः पियाच्वनागु दु । नापं शंकरदेव क्याम्पसय् बिबिएसया न्हापांगु दँया परिक्षाया तयारी यानाच्वनागु दु । जिगु जीवनया आज्जु छम्ह सफल चार्टर एकाउण्टेन्ट जुइगु खः । नेपाःया अर्थतन्त्र विकासय् तिवः बिइगु तातुना नापं मिस्त नं छुं ख्यलय् कम मजू धैगु क्यनेत सि।ए। जुइगु आज्जु ज्वनागु खः । 

नेवाः मिस्तय्त मिस नेवाः थें जाःगु प्रतिभा न्ह्यब्वयेगु दबू गुलि त आवश्यक जू वा मजू छाय् ?
मिस नेवाः छगृ हे जक अज्यागु ज्याभुवः खः गुन भाय् तजिलजि नापनापं थः के दुगु प्रतिभा न्ह्यब्वये खनाच्वंगु दु । नेवाःतय्सं छगूकथं गौरव यायेखनाच्वंगु दबू धैगु हे मिस नेवाः ज्याभुवः खः । अथेजूगुिलं थुगु ज्याभुवःयात नेपाःया कुँ कुलामय् तक प्रचार याना थुकिया महत्वयात ध्वाथुइका यंकेमाः ।  

मिस नेवाः २०१० ज्याभुवलय् छित न्यंगु लिपांगु न्ह्यसः व छिगू लिसः छु खः ? 
जित न्यंगु लिपांगु न्ह्यसः - मिसा व मिजंयात समान अधिकार माः धका माग यानाच्वंगु दु हाकनं न्ह्याथाय् वंसां लेडिज फस्ट धाइ थ्व धापू बारे थःगु विचाः छु दु
जिगु लिसः -  खँ समान अधिकारया जक मखु न त लेडिज फस्टया हे खः थुकिइ माःगु मू खँ धैगु दकले न्हापा थःम्हं थुइके माःगु खँग्वः ुअधिकारु या बारे खः । मनूतय्सं गबले तक थःगु अधिकारया बारे थुइमखु अबले तक अधिकार अप्वः वा म्हो धायेगुया छुं अर्थ दइमखु । दकले न्हापा थःगु अधिकारयात थुइकेमाल अले अधिकारया वारे सः थ्वयेकल धाःसा बांलाइ ।